میلبورن( مانیٹرنگ ڈیسک) پاکستان اور آسٹریلیا کے درمیان میچ جاری ہے ۔ اظہر علی اس وقت کریز پر موجود ہیں اور اپنی جارحانہ بیٹنگ کے ساتھ ٹیم کی سکورنگ میں تیزی سے اضافہ کر رہے ہیں ۔ پاک آسٹریلیا میچ کے دوران دلچسپ صورتحال اس وقت پیش آئی جب سٹیڈیم پر مکھیوں نے یلغار کر دی جس سے دونوں ٹیموں کے کھلاڑی پریشان ہو گئے۔ تفصیلات کے مطابق پاکستانی اوپنر اظہر علی ہیزل ووڈ کا سامنا کرنے کیلئے تیار تھے کہ اچانک بڑی تعداد میں میدان میں داخل ہونے والی مکھیوں کی وجہ سے انہیں پیچھے ہٹنا پڑاجس کے بعد ان مکھیوں کو بھگانے اور مارنے کیلئے سپرے کا استعمال کرنا پڑااور پھر میچ کا آغاز ہوا۔