کراچی(آئی این پی) قومی کرکٹر احمدشہزاد کی مشکلات میں اضافہ ہوتا جارہا ہے۔ کبھی تو وہ ٹیم میں سلیکٹ نہیں ہوتے تو کبھی ان کا رویہ آڑے آجاتا ہے۔ نیشنل ٹورنامنٹ میں امپائر کو غصہ دکھانا احمد کو مہنگا پڑگیا۔نیشنل ون ڈے ٹورنامنٹ میں احمد شہزاد کو امپائرکے فیصلے پر اعتراض کرنا مہنگا پڑگیا۔ میچ ریفری نے انھیں 20ہزار روپے جرمانے کی سزا سنادی۔نیشنل ون ڈے ٹورنامنٹ میں احمد نے امپائرکے فیصلے پراعتراض کیا تھا۔احمد شہزاد کو محمد حفیظ کی گیند پر ایل بی ڈبلیو آؤٹ دیا گیا تھا۔ یہ جرمانہ نیشنل اسٹیڈیم میں میچ ریفری انیس الرحمان کی رپورٹ پر لگایاگیا۔