برسبین(آن لائن) پاکستان نے آسٹریلیا میں چوتھی اننگز میں سب سے زیادہ رنز کا بھارتی ریکارڈ توڑ ڈالا۔ برسبین ٹیسٹ کے پانچویں اور آخری روز پاکستانی ٹیم490کے جواب میں 450رنز بنا کر آئوٹ ہوگئی جو آسٹریلوی سرزمین پر چوتھی اننگز کا سب سے بڑا سکور ہے اس سے قبل بھارت نے 1978ء میں ایڈیلیڈ کے مقام پر 445رنز سکور کئے تھے
جبکہ برسبین ٹیسٹ میں اسد شفیق اور ٹیل اینڈرز کی شاندار بیٹنگ نے شائقین کرکٹ کو بھی گرما دیا اور گراؤنڈ میں موجود پاکستانی شائقین کرکٹ کا جوش و خروش بڑھا دیا ۔ٹیسٹ کے پانچویں اور آخری روز یاسر شاہ اور اسد شفیق کی شاندار بلے بازی پر شائقین کرکٹ نے بھی خوب داد دی اور پاکستان زندہ باد کے نعرے لگانے کے ساتھ ساتھ دل دل پاکستان جان جان پاکستان کا گانا بھی گنگاتے رہے ۔ شائقین کرکٹ کا کہنا تھا کہ شکست کا افسوس نہیں ہے ہماری ٹیم ہار کر بھی جیت گئی ہے جس طرح کا مقابلہ کیا پہلی اننگز کے بعد اس کی توقع تو نہیں تھی مگر دوسری اننگز میں اسد شفیق اور عامر وہاب ریاض اور یاسر شاہ نے ہمارے دل جیت لئے ہیں قوم لڑ کر ہاری ہے ڈٹ کر مقابلہ کیا اس لئے ہار کا افسوس نہیں ہار جیت کھیل کا حصہ ہوتی ہے کسی ایک ٹیم نے ہارنا اور ایک نے جیتناہوتا ہے اصل چییز ہے یہ کہ آپ کھیلے کیسے ہیں

موضوعات:پاکستانی بلے باز