(آن لائن) آسٹریلوی کپتان اسٹیون اسمتھ نے برسبین ٹیسٹ کو کیریئر کا دباﺅ سے بھرپور ٹیسٹ قرار دیتے ہوئے کہا کہ اسد شفیق نے ثابت کردیا کہ وہ بہترین بیٹسمین ہے، میچ کے دوران ناخن چباتا رہ گیا اور پھرسوچنے لگا کہ پاکستانی کھلاڑیوں نے ہمارے ساتھ اچانک یہ کیا کر دیاہے مگر آخر کار ہم جیت گئے۔ٹیسٹ میچ کی اختتامی تقریب میں گفتگو کرتے ہوئے آسٹریلوی کپتان نے کہا کہاظہر علی وکٹ پر نہ رکتے تو میچ اتنا آگے جاتا ہی نہیں۔انہوں نے مزید کہا کہ پاکستان اور آسٹریلیا کے پہلے ٹیسٹ میچ میں شائقین کو بہترین کرکٹ دیکھنے کو ملی ہے۔ انہوں نے کہا اکہ میچ کے دوران ناخن چباتا رہ گیا کہ یہ سب کچھ کیاہورہا ہے جیتا ہوا میچ ایک دم کیسے پلٹ رہا ہے مگر پھر بھی جیت گئے اگلے میچ میں بھی بھرپور تیاری کے ساتھ میدان میں آئینگے ۔