برسبین(آئی این پی)برسبین ٹیسٹ کے چوتھے روز آسٹریلیوی فاسٹ بالرمچل سٹار ک اور پاکستانی پیسر محمد عامر کے مابین منہ ماری ہوگئی ۔ میچ کے چوتھے روز مچل سٹار ک کی 152کلومیٹر فی گھنٹہ کی رفتار سے کی گئی گیند محمد عامر کے پیڈ پر لگی ،

مچل سٹارک نے محمد عامر کو باتیں سنائیں اور پاکستانی پیسر نے بھی ان کا جواب دیا جس پر سٹارک نے اپنے کانوں پر ہاتھ رکھ یہ بتانے کی کوشش کی کہ جیسے انہیں کچھ سمجھ نہیں آئی ۔قومی ٹیم نے برسبین ٹیسٹ کے چوتھے روز شاندار بلے بازی کا مظاہرہ کرتے ہوئے نئی تاریخ بھی رقم ڈالی ۔

ٹیسٹ کے چوتھے روز کھیل کے اختتام پر پاکستان نے اپنی دوسری اننگز میں 8وکٹوں کے نقصان پر 382رنز سکورکیے تھے جو برسبین کرکٹ گرانڈ میں چوتھی اننگز میں بنایا گیا سب سے بڑا مجموعہ تھا ، اس سے قبل انگلینڈ نے 2006 میں یہاں 370رنز سکور کیے تھے ۔