اسلام آباد(نیوزڈیسک)2010ء میں کرکٹ ٹیم چھوڑ کربھاگنے والے ذوالقرنین پھر منظر عام پر،پی سی بی سے بڑامطالبہ کردیا، تفصیلات کے مطابق پاکستان کرکٹ ٹیم کے سابق وکٹ کیپر ذوالقرنین حیدر جو کہ ساؤتھ افریقہ کے خلاف دوران سیریز اچانک غائب ہوکر لندن پہنچ گئے تھے اور وہاں انہوں نے مشکوک فون کالز کا بہانہ کرکے پناہ کی درخواست دیدی تھی ، پناہ تو انہیں برطانیہ میں نہیں ملی تھی لیکن انہیں پاکستان کرکٹ ٹیم کی پھر یاد آگئی ہے اور اسی سلسلے میں انہوں نے پی سی بی کو ایک خط میں مطالبہ کیا ہے کہ محمدعامر کی طرح انہیں بھی واپسی کاموقع دیاجائے، انہوں نے کہاکہ وہ اپنی غلطی پر معافی مانگ چکے ہیں اور دوسروں کی طرح ان کو بھی قومی ٹیم میں واپسی کا حق ملنا چاہئے۔