کراچی (مانیٹرنگ ڈیسک)پاکستان کرکٹ ٹیم کے کھلاڑی محمد حفیظ کی جیب کاٹ لی گئی جبکہ ان کی جیب سے موبائل فون بھی نکال لیاگیا۔ایک نجی ٹی وی کے مطابق طیارے حادثے میں شہید ہونے والے جنید جمشید کی نمازجنازہ میں کرکٹر محمد حفیظ کی جیب کٹ گئی اوراس کے ساتھ انکی جیب سے موبائل فون بھی نکال لیاگیا۔
واضح رہے کہ اس سے قبل کئی اہم شخصیات کی جیبیں کٹ چکی ہیں ، حال ہی میں میئر کراچی وسیم اختر کے رہائی پر استقبال کرنے کیلئے سینٹرل جیل کراچی پہنچنے والے متحدہ قومی موومنٹ کے رہنماء عامر خان کی جیب کاٹ لی گئی تھی ، ان کے پرس میں رقم کے علاوہ این آئی سی سمیت دیگر ضروری کارڈز بھی موجود تھے۔جبکہ کچھ عرصہ قبل لاہور میں پاکستان پیپلزپارٹی کے سینئر رہنماء جہانگیر بدر کی نماز جنازہ کے دوران اپوزیشن لیڈر خورشید شاہ سمیت متعدد رہنماؤں کی جیبیں کاٹ لی گئی تھیں۔
