اسلام آباد(مانیٹرنگ ڈیسک) قومی کرکٹ ٹیم کے سابق کپتان شاہد آفریدی اور مایہ ناز سپنر سعید اجمل قطر کے قومی دن کے موقع پر منعقد ہونے والے ٹی 20 اور ون ڈے میچ کی ٹیم کا حصہ بن گئے۔ تفصیلات کے مطابق قطری انتظامیہ نے کہا ہے کہ T-20 میچ 16 دسمبر اور ون ڈے میچ 18 دسمبر کو ایشین کرکٹ گراؤنڈ میں کھیلا جائے گا۔ شاہد خان آفریدی ورلڈ سٹارز کے کپتان ہوں گے اور ٹیم کا کوچ برطانوی بلے باز پال نکسن کو بنایا گیا ہے۔ قطر سٹارز میں آل راؤنڈر عبدالرزاق،وکٹ کیپر بلے باز کامران اکمل ،دراز قد فاسٹ باؤلر محمد عرفان سمیت بھارتی اور سری لنکن کھلاڑی بھی شامل ہیں۔

موضوعات:شاہد آفریدی