کینز(مانیٹرنگ ڈیسک) پی آئی اے کے جہاز کے حادثے نے جہاں دنیا پھر کو غمزدہ کر دیا ہے وہیں قومی کرکٹ ٹیم کے کھلاڑی بھی نہایت افسردہ ہیں جس کا اظہار انہوںنے آسٹریلیاا لیون کے خلاف تین روزہ پریکٹس میچ سے قبل ایک منٹ کی خاموشی اختیار کر کے کیا ۔ تفصیلات کے مطابق قومی ٹیم کے کھلاڑیوں نے حادثے میں شہید ہونے والے افراد کے لیے ایک منٹ کی خاموشی اختیار کی جبکہ کھلاڑی بازوں پر سیاہ پٹیاں باندھ کر میچ میں شرکت کریں گے ۔ یاد ش بخیر کہ پی آئی اے کا مسافر طیارہ گزشتہ روز چترال سے اسلام آباد آتے ہوئے حویلیاں کے قریب گر کر تباہ ہوگیا تھا جس کے نتیجے میں معروف نعت خواں جنید جمشید سمیت 47افراد شہید ہوگئے ۔
دوسری جانب چیئرمین تحریک انصاف عمران خان نے پی آئی اے طیارہ حادثے پر گہرے دکھ اور افسوس کا اظہار کرتے ہوئے کہا ہے کہ جنید جمشید کی وفات پر گہرے صدمے میں ہوں ۔اپنے ٹویٹر پیغام میں انہوں نے کہاکہ جنید جمشید نے شوکت خانم کی تعمیر کیلئے چندہ مہم میں بہت مدد کی ٗوہ ایک عظیم انسان تھے جن کی کمی ہمیشہ محسوس ہو گی اور اس خلاء کو پورا کرنا ناممکن ہے ٗعمران خان نے کہا کہ ڈپٹی کمشنر چترال اسامہ احمد وڑائچ ایک بہترین آفیسر تھے ۔

موضوعات:PK 661 قومی کرکٹ ٹیم