اسلام آباد (آن لائن) پاکستانی نژاد باکسر عامر خان کی اہلیہ فریال مخدوم نے اپنے سسرال کی بدسلوکی پر منہ کھول دیا۔ سنیپ چیٹ پر اپنے ریمارکس میں فریال نے الزام لگایا کہ اسے اپنے سسرال سے گھریلو تشدد کا سامنا ہے ۔ انہوں نے لکھا کہ میں کافی عرصہ اس بارے میں خوموش تھی تاہم یہ پیغام سب کے لئے ہے۔

انہوں نے کہا کہ اپنے بیٹوں کی شادی کیوں کرتے ہیں جب آپ اس کی بیوی کو تشدد کا نشانہ بناتے ہیں۔ ان کا مزید کہنا تھا فریال مخدوم نے انکشاف کیا کہ وہ اپنے خرچے پورے کرنے کے خود کام رہی ہیں۔باکسر کی اہلیہ کا اپنے پیغام میں کہنا تھا کہ وہ صبح 7سے رات 12بجے تک ماڈلنگ کرنے میں مشغول رہتی ہیں حالانکہ ان کے شوہر کروڑ پتی انسان ہیں لیکن وہ حق رکھنے کے باوجود ان سے پیسے نہیں لے سکتیں اور سونے پر سہاگہ ان کے سسرالی پھر بھی ان پر لعن طعن کرتے رہتے ہیں ۔

اپنے ایک اور پیغام میں فریال نے انکشاف کیا کہ جب وہ 9ماہ کی حاملہ تھیں تو ان کے سسرالی رشتہ دار عامر خان کو طلاق لینے پر مجبور کررہے تھے ۔عامر خا ن اور فریال مخدوم 3سال پہلے نیویارک میں رشتہ ازدواج میں منسلک ہوئے تھے اور ان کی ایک بیٹی بھی ہے ۔

موضوعات:عامر خان فریال مخدوم