کراچی (مانیٹرنگ ڈیسک) ورلڈ باکسنگ سلور فائی ویٹ ٹائٹل ہولڈر محمد وسیم نے کہا ہے کہ واحد پاکستانی ہوں جس نے ورلڈ باکسنگ کونسل ٹائٹل جیتا ہے، آج تک کسی حکومتی شخصیت اور ادارے نے میری مدد نہیں کی، جنوبی کوریا کی شہریت کی پیشکش یہ کہہ کر ٹھکرادی کہ میں پاکستانی ہوں اور اپنے ملک کا ہی جھنڈا اٹھاؤں گا جس کے بعد پشاور زلمی کے چیئرمین جاوید آفریدی نے 25 لاکھ اور چیئرمین بحریہ ٹاؤن ملک ریاض نے 10 لاکھ روپے انعام کا اعلان کردیا۔
چیئرمین بحریہ ٹاؤن ملک ریاض نے کہا کہ بحریہ ٹاؤن محمد وسیم کو دس لاکھ روپے اور ہر طرح کی سپورٹ اور سپانسرشپ فراہم کریگی، محمد وسیم کو ملک کا نام روشن کرنے پر مبارکباد دیتا ہوں۔
جاوید آفریدی نے کہا کہ محمد وسیم کو پچیس لاکھ روپے بھی دیئے اور پشاور زلمے کا سفیر بھی مقرر کیا ہے، پاکستان کی سپورٹس پالیسی میں وژن ہے نہ کوئی وژنری قیادت ہے، دنیا میں تنازعات کے حل میں سپورٹس ڈپلومیسی زیاد ہ موثر ہتھیار ثابت ہوسکتی ہے۔
واضح رہے کہ وزیراعظم نواز شریف نے بھی باکسر محمد وسیم کیلئے 3 کروڑ روپے کی خطیر رقم مختص کر دی ہے لیکن اعلان کے باجود ابھی تک اس میں کوئی پیش رفت نہیں ہوئی۔

موضوعات:باکسر محمد وسیم حکومت ملک ریاض نواز شریف