اسلا م آباد(مانیٹرنگ ڈیسک) قومی کرکٹ ٹیم کے سابق کپتان شاہد آفریدی نے جنرل قمر جاوید باجوہ کو آرمی چیف کا عہدہ ملنے پر مبارکباد پیش کی ہے۔ ٹوئٹر پر شاہد آفریدی نے ایک تصویر شیئر کی ہےجس میں وہ ڈی جی آئی ایس پی آر لیفٹیننٹ جنرل عاصم سلیم باجوہ اور نئے آرمی چیف جنرل قمر جاوید باجوہ کے ہمراہ موجود ہیں۔
شاہد آفریدی نے ٹویٹ میں نئے آرمی چیف کو تعیناتی پر مبارکباد پیش کرتے ہوئے ان پر مکمل اعتماد کا اظہار کیا اور ساتھ ہی اس امید کا بھی اظہار کیا ہے کہ وہ جنرل راحیل شریف کے عظیم کام کو جاری رکھیں گےواضح رہے کہ شاہد آفریدی کے جنرل راحیل شریف کے ساتھ بھی بہت اچھے تعلقات تھے اورچند دن قبل ہی آرمی چیف راحیل شریف نے ان کے نام سے منسوب کرکٹ گراﺅنڈ کا افتتاح کیاتھا۔
