واشنگٹن(آئی این پی) انٹرنیٹ پر وائٹ ہاؤ س میں منعقدہ ایک تقریب کی ویڈیو منظر عام پر آئی ہے جس میں تمام مہمان مجسمے بنے ہوئے نظر آرہے ہیں۔ بظاہر دیکھنے میں یوں لگا رہا ہے کہ کسی نے جادو کی چھڑی گھما کر ان سب کو ساکت کردیا ہو۔یہ تقریب دراصل میڈل آف فریڈم دیے جانے کی ہے۔ یہ امریکا کا سب سے بڑا سویلین اعزاز ہے اور یہ ہر سال اپنے شعبوں میں نمایاں کارکردگی دکھانے والے افراد کو دیا جاتا ہے۔رواں برس یہ میڈل بل گیٹس، ان کی اہلیہ میلنڈا گیٹس، مسلمان باسکٹ بال کھلاڑی کریم عبدالجبار، اداکار رابرٹ ڈی نیرو، ٹام ہینکس اور ایتھلیٹ مائیکل جارڈن سمیت 21 افراد کو دیا گیا۔تقریب میں ہالی ووڈ کی مقبول اداکارہ اور میزبان ایلن ڈی نے سب کو ساکت ہوجانے کا چیلنج دیا جس کے بعد سب پتھر کے ہوگئے۔واضح رہے کہ یہ امریکی صدر بارک اوباما کی وائٹ ہاؤ س میں آخری تقریب تھی۔واضح رہے کہ مسلمان باسکٹ بال کھلاڑی اور فائٹر کریم عبد الجبار نے مشہور زمانہ مارشل آرٹ ایکسپرٹ اور ہالی ووڈ ہیرو بروسلی کے ساتھ ایک فلم میں یادگار فائٹ بھی کی تھی۔

موضوعات:بروس لی کریم عبد الجبار