کراچی (مانیٹرنگ ڈیسک) پاکستانی بیٹسمین شعیب ملک جوکہ ان دنوں بنگلہ دیش کے شہرڈھاکہ میں بنگلہ دیش پریمیئرلیگ کھیل رہے ہیں ۔ایک نجی ٹی وی کے مطابق شعیب ملک بنگلہ دیش پریمیئرلیگ کوچھوڑکراپنے سسرال بھارت کے شہرحیدرآباد پہنچ گئے ہیں جس کی وجہ یہ ہے
شعیب ملک کی اہلیہ ثانیہ مرزاکی چھوٹی بہن انعم مرزاکی شادی ہورہی ہے اوران کی شادی کی تقریبات جاری ہیں اب شعیب ملک بھی اپنی سالی انعم مرزاکی شادی کی تقریبات میں شرکت کریں گے ۔اس موقع پرشعیب ملک نے میڈیاسے گفتگوکرتے ہوئے کہاکہ وہ انعم مرزاکی شادی کی وجہ سے اپنی ٹیم بریسل بلزکی تین میچوں میں نمائندگی نہیں کرسکیں گے اورانعم مرزاکی شادی کے بعد دوبارہ بنگلہ دیش 19نومبرکوجائیں گے اورٹیم کوجوائن کریں گے ۔

موضوعات:بھارت شعیب ملک