اسلام آباد (مانیٹرنگ ڈیسک) پاکستان کے سابق مایہ ناز کرکٹر اور کپتان وسیم اکرم کی والدہ کے گھر چوری کی واردات ہوئی ہے جس میںچور ملازمائیں ان کے گھر سے سونے کے زیورات اور نقدی لے اڑیں ۔ تفصیلات کے مطابق لاہور میں دو گھریلو ملازمائیں  سابق ٹیسٹ کرکٹر وسیم اکرم کی والدہ کی چائے میں بے ہوشی کی دوا ملا کر انہیں بے ہوش کر کے لاکھوں روپے مالیت کے زیورات اور نقدی لوٹ کر فرار ہو گئیں۔پولیس کے مطابق وسیم اکرم کی والدہ ارشاد کوثر نے 2 دن پہلے2 خواتین فاطمہ اور ایمان کو گھر پر ملازم رکھا تھاجو 82 ہزار روپے کیش اور لاکھوں روپے مالیت کے طلائی زیورات سمیٹ کر فرار ہو گئیں۔پولیس نے مقدمہ درج کر کے تفتیش شروع کر دی ہے،وسیم اکرم کی والدہ کا کہنا تھا کہ ہمسایوں کے ڈرائیور نے انہیں ملازم رکھوایا تھا۔‎پولیس ہمسایوں کے ڈرائیور سے بھی پوچھ گچھ کر رہی ہے تاہم ابھی تک کوئی واضح ثبوت اور ملزمان کا پتہ نہیں لگ سکا ۔