شارجہ(مانیٹرنگ ڈیسک)ویسٹ انڈیزکے کریگ بریتھ ویٹ نے شارجہ ٹیسٹ کی دونوں اننگز میں ناٹ آئوٹ رہ کر نیا عالمی ریکارڈ قائم کردیا۔تفصیلات کے مطابق پاکستانی بولرز کے آگے آہنی دیوار بن کر بیٹنگ کرنے والے تئیس سالہ اوپننگ بیٹسمین کریگ بریتھ ویٹ نے تاریخ رقم کردی۔دائیں ہاتھ کے اوپنر بریتھ ویٹ نےویسٹ انڈیز کی پہلی باری میں اننگز کا آغاز کیا اور آخر تک ناٹ آئوٹ رہے
انہوں نے بیٹ کیری کرتے ہوئے ایک سوبیالیس رنزبنائے ، ان کی ناقابل شکست سنچری کی باعث مہمان ٹیم چھپن رنز کی برتری حاصل کرنے میں کامیاب رہی۔دوسری باری میں بھی بریتھ ویٹ ڈٹ گئے اور آئوٹ ہوئے بغیر ساٹھ رنزبنانے میں کامیاب رہے، ان کی اس شاندار اننگز کی بدولت ویسٹ انڈیز میچ جیتنے میں کامیاب رہا۔بریتھ ویٹ کا دونوں اننگز میں ناٹ آئوٹ رہنا ٹیسٹ کرکٹ کی تاریخ کا منفرد واقعہ ہے اس سے قبل ٹیسٹ کی ایک سوچالیس سالہ ہسٹری میں کوئی بھی اوپنر دونوں اننگز میں ناٹ آئوٹ نہیں رہا ہے ۔
