شارجہ(آئی این پی)قومی ٹیم کے تجربہ کار بلے باز اسد شفیق نے شرمناک اعزاز اپنے نام کرلیا۔30سالہ اسد شفیق ویسٹ انڈیز کے خلاف شارجہ ٹیسٹ کی دونوں اننگز میں بغیر کوئی رن بنائے آٹ ہوئے جس کے ساتھ ہی وہ پاکستان کے سپیشلسٹ بلے بازوں میں کیریئر میں 2مرتبہ کسی ٹیسٹ کی دونوں اننگز میں بغیر کوئی رن بنائے آٹ ہونے والے پہلے کھلاڑی بن گئے ۔ اسد شفیق اس سے پہلے دورہ انگلینڈ میں بھی برمنگھم ٹیسٹ میں دونوں اننگز میں صفر کی خفت سے دوچار ہوئے تھے ۔جبکہ دوسری جانب پاکستانی ٹیسٹ کپتان مصباح الحق کے چرچے امریکی ٹی وی سیریز تک پہنچ گئے۔امریکی ٹی وی چینل کی سیریز نیوز روم کے ایک سین میں اٹلانٹس کیبل نیوز کے پروڈیوسر جیری دنتانا ایک ٹویٹ پڑھتے ہوئے مصباح الحق کے نام پر چونکتے ہیں اور تفصیلات جاننے کی کوشش کرتے ہیں تو انہیں پتہ چلتا ہے کہ مصباح الحق ایک کرکٹر ہیں۔ نیوز روم امریکی ٹیلی ویڑن پر نشر ہونیوالی ایک ڈرامہ سیریز ہے آرون سورکن کی تخلیق میں سیاست کو موضوع بنایا گیا ڈرامے کے تصوراتی ٹی وی چینل اے سی این میں دکھا گیا ہے کہ ایک ٹی وی اینکر ول مک آوائے (جیف ڈینیئلز) اپنے دیگر ساتھیوں کے ساتھ ایک نیوز شو کرتے ہیں جس میں وہ کارپورٹ اور تجارتی معاملات میں حائل رکاوٹوں اور آپسی جھگڑوں کو زیر بحث لایا جاتا ہے

موضوعات:اسد شفیق