اسلام آباد(مانیٹرنگ ڈیسک)دبئی میں ڈے اینڈ نائٹ ٹیسٹ کے چوتھے روز پاکستانی ٹیم کے لیگ سپنر یاسر شاہ گزشتہ 90سال میں تیز ترین 100ٹیسٹ وکٹیں مکمل کرنے والے باؤلر بن گئے ۔ دبئی میں ڈے اینڈ نائٹ ٹیسٹ کے چوتھے روز یاسر شاہ نے کمنز کو بولڈ کرکے کم ترین ٹیسٹ میچز میں 100وکٹیں مکمل کرنے والے ایشائی باؤلر ہونے کا اعزاز اپنے نام کیا ،یاسر شاہ نے محض 17ٹیسٹ میچز میں یہ کارنامہ سر انجام دیا ،ان سے قبل آسٹریلیا کے چارلی ٹرنر نے 1887ء ، برطانیہ کے سڈ بارنز نے 1901ء اور آسٹریلیا ہی کے کریلی گریمٹ نے1925ء میں 17،17ٹیسٹ میچز میں 100وکٹیں مکمل کی تھیں ۔اس کے بعد یاسرشاہ بھی 100ٹیسٹ وکٹیں لینے والے بائولرزمیں شامل ہوگئے ہیں ۔