اسلام آباد(مانیٹرنگ ڈیسک ) پاکستان ویمن فٹبال ٹیم کی مایہ ناز کھلاڑی شہلیلا بلوچ ٹریفک حادثے میں بقضائے الٰہی انتقال کر گئی ہیں ۔ تفصیلات کے مطابق پاکستان ویمن فٹبال ٹیم کی کھلاڑی شہلیلابلوچ ٹریفک حادثے میں انتقال کرگئی ہیں ،شہلیلابلوچ کی گاڑی کو کل ڈیفنس میں حادثہ پیش آیا تھا جس کے بعد گزشتہ رات ڈھائی سے 3بجے کے دوران وہ مقامی ہسپتال میں زخموں کی تاب نہ لاتے ہوئے انتقال کرگئیں ۔ 20سالہ شہلیلا بلوچ گزشتہ 4سال قومی فٹبال ٹیم کی رکن تھی ،ان کی بڑی بہن راحیلہ بلوچ بھی پاکستان کی نمائندگی کرچکی ہیں جبکہ ان کی والد ہ روبینہ عرفان بھی پاکستان فٹبال فیڈریشن کے ساتھ منسلک ہیں ۔شہلیلا عرفان کے جسد خاکی کو بلوچستان لے جایا جارہا ہے جہاں آبائی علاقے میں ان کی تدفین کی جائے گی۔