ہفتہ‬‮ ، 19 اپریل‬‮ 2025 

طویل پابندی کے بعد محمد آصف کی انٹرنیشنل کرکٹ میں واپسی؟بڑا اعلان کر دیا

datetime 11  اکتوبر‬‮  2016
ہمارا واٹس ایپ چینل جوائن کریں

اسلام آباد(مانیٹرنگ ڈیسک)میچ فکسنگ کے باعث پانچ سال کی پابندی کا شکاررہنے والے محمد آصف نے پاکستان ٹیم میں واپسی کی امید ظاہرکرتے ہوئے کہا کہ ٹیم میں واپسی کیلئے ان کی صلاحیتیں اور عزم بلند ہے۔محمدآصف کو سابق کپتان سلمان بٹ اور محمد عامر کے ساتھ 2010 میں اسپاٹ فکسنگ میں ملوث ہونے پر پانچ سال کی پابندی عائد کی گئی تھی جس کے بعد گزشتہ سال آئی سی سی نے سزا کے بعد کرکٹ میں واپسی کی اجازت دے دی تھی۔محمد عامر نے گزشتہ سال ڈومیسٹک کرکٹ میں واپسی کی تھی جہاں بہترین کارکردگی کا مظاہرہ کرنے کیبعد قومی ٹیم میں واپسی کی تھی اور اب ٹیم کے مستقل رکن بن چکے ہیں۔دوسری جانب سلمان بٹ ڈومیسٹک کرکٹ میں بہترین کارکردگی کا مظاہرہ کررہے ہیں۔ اپنے ایک انٹرویو میں محمد آصف نے کہا کہ بعض لوگ کہتے ہیں کہ میں اچھا دور گزار چکا لیکن میں ایک دفعہ پھر کھیل کے عروج میں پہنچ سکتا ہوں۔ان کا کہنا تھا کہ لوگوں کے اپنے خیالات ہیں جس سے میں نہیں روک سکتا لیکن میرے خیال میں محمد عامر واپسی کے بعد کرکٹ کھیل رہا ہے اور اکثریت نے اس کوقبول کیا ہے اس لیے اگر میں اور سلمان بٹ پاکستان کے لیے کھیلتے ہیں تو کوئی مسئلہ نہیں ہوگا۔غلطیوں کی وجہ سے اپنے کیریئر کو نقصان پہنچانے کے حوالے سے پوچھے گئے ایک سوال پر ان کا کہنا تھا کہ ‘بہت ندامت اور دکھ ہے، جو کچھ ہوچکا ہے اس کو تبدیل نہیں کیا جاسکتا لیکن اب بھی بہت دکھ ہے۔فاسٹ بالر نے کہا کہ ‘میں مستقبل کی جانب دیکھ رہا ہوں، میرا ماننا ہے کہ ابھی اعلی سطح کی کرکٹ کھیلنے کے لیے میرے تین یا چار سال باقی ہیں اس لیے میری پوری توجہ آنے والے مہینوں اور سالوں پر ہے۔محمد آصف نے حال ہی میں ناروے میں کلب کرکٹ کھیلنا شروع کی تھی جہاں انھوں نے بین الاقوامی کرکٹ میں واپسی کے لیے خوب محنت کی۔آصف کا کہنا تھا کہ قومی ٹیم میں واپسی کے لیے ان کے پاس ڈومیسٹک کرکٹ کا بہترین راستہ موجود ہے جہاں اپنی صلاحیتیں منواکر واپس آؤں گا۔

موضوعات:

آج کی سب سے زیادہ پڑھی جانے والی خبریں


کالم



اگر آپ بچیں گے تو


جیک برگ مین امریکی ریاست مشی گن سے تعلق رکھتے…

81فیصد

یہ دو تین سال پہلے کی بات ہے‘ میرے موبائل فون…

معافی اور توبہ

’’ اچھا تم بتائو اللہ تعالیٰ نے انسان کو سب سے…

یوٹیوبرز کے ہاتھوں یرغمالی پارٹی

عمران خان اور ریاست کے درمیان دوریاں ختم کرنے…

بل فائیٹنگ

مجھے ایک بار سپین میں بل فائٹنگ دیکھنے کا اتفاق…

زلزلے کیوں آتے ہیں

جولیان مینٹل امریکا کا فائیو سٹار وکیل تھا‘…

چانس

آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…