اسلام آباد (مانیٹرنگ ڈیسک)قومی کرکٹ ٹیم کے سابق کپتان وسیم اکرم نے کہا ہے کہ جاوید میانداد ،شاہد آفریدی دونوں میرے اور پاکستان کے لیے اہم ہیں ،دونوں کو مل جل کر معاملہ حل کرنا چاہیے سوئنگ کے سلطان نے کہا کہ قابل احترام کرکٹرز کا ایک دوسرے پر الزامات کا معاملہ جلد حل ہونا چاہیے۔ان کا کہنا تھا کہ دونوں کھلاڑیوں کے درمیان معاملہ ثالثی کے ذریعے حل ہونا چاہیے۔وسیم اکرم نے مزید کہا کہ معاملے کو مزید نہیں بگاڑنا چاہیے۔
دوسری جانب پاکستان تحریک انصاف کے چیئرمین عمران خان نے کہا ہے کہ وزیر اعظم کے استعفیٰ تک دھرنے کا آپشن کھلا ہے ، ٹی ٹوئنٹی ، ون ڈے اور نہی ٹیسٹ بلکہ ٹائم لیس میچ کھیلیں گے ، اسلام آباد بند کر دیں گے جو حکومت برداشت نہیں کر پائے گی، خیبر پختونخوا اسمبلی کی تحلیل سمیت دیگر آپشن بھی زیر غور ہیں ، جاوید میانداد اور شاہد آفریدی کے درمیان تلخ کلامی اچھی نہیں ،بیان بازی سے کرکٹ کو نقصان ہو گا ، مشکل گھڑی میں میانداد کام آیا ، ایک دوسرے کے خلاف ایسی بیان بازی عوام میں نہیں کرنی چاہیے۔

موضوعات:میانداد آفریدی تنازعہ