شارجہ(نیوزڈیسک)شعیب ملک غضبناک،مسلسل چھکوں کی بارش،گیند ایسی جگہ پہنچادی کہ کسی کے وہم و گما ن میں بھی نہ تھا، تفصیلات کے مطابق ویسٹ انڈیز کے خلاف پاکستان کرکٹ ٹیم کی بیٹنگ جاری ہے ،میچ کے آغاز کے بعد اظہر علی اٹھارہ گیندوں پر صرف 9رنز بناکر جیسن ہولڈر کے ہاتھوں آﺅٹ ہوگئے جبکہ شرجیل خان بارہ گیندوں پر چوبیس رنز بناکر جوزف کے ہاتھوں آﺅٹ ہوگئے اس کے بعد بابراعظم اور شعیب ملک نے شانداربیٹنگ کا مظاہرہ کیا اور اپنی نصف سنچریاں مکمل کیں اب سے کچھ دیر پہلے چھبیسویں اوور کی تیسری،چوتھی اورپانچویں گیند پر شعیب ملک نے مسلسل چھکے جڑتے ہوئے ویسٹ انڈین ٹیم کے اوسان خطاءکردیئے تیسرا چھکا ایسا تھا کہ گیند شارجہ کرکٹ سٹیڈیم کے سٹینڈز کو پارکرنے کے بعد روڈ کو بھی پارکرکے دوسرے اینڈ کی سڑک پر جاگری ۔ جس کو سڑک سے اٹھاکر لاتے ہوئے باقاعدہ ٹی وی پر بھی دکھایاگیا۔ شعیب ملک اوربابراعظم کی شانداربیٹنگ کاسلسلہ جاری ہے اور پاکستان کے اب سے کچھ دیر قبل 28اوورز میں 173رنز پر 2کھلاڑی آﺅٹ ہوئے تھے۔