کراچی(مانیٹرنگ ڈیسک)قومی ٹیم کے فاسٹ بالرمحمد عامر کی اہلیہ نرجس نے پیسر سے ملاقات کی کہانی بیان کردی ہے ۔ نجی ٹی وی کے مارننگ شو میں پہلی ملاقات کی کہانی بیان کرتے ہوئے نرجس کا کہنا تھا کہ ان کی پہلی ملاقات ایک دوست کے گھر پر ہوئی تھی جس کے بعد بات چیت شروع ہوئی اور پھر محبت ہوگئی ۔ نرجس کا مزید کہنا تھا کہ 2نومبر 2010 کو محمد عامر اپنے کیس کی سماعت سے ایک دن پہلے بھی اپنے بجائے اپنے اہل خانہ کے بارے میں سوچ رہے تھے جس پر میں نے اپنے دل میں کہا کہ کچھ بھی ہوجائے،لیکن اس بندے کو ہاتھ سے نہیں جانے دینا ہے ۔محمد عامر کی اہلیہ یہ بتاتے ہوئے آبدیدہ ہو گئیں کہ جب عامرپر میچ فکسنگ کیس بنا تو اس نے اپنی پروا نہ کی بلکہ وہ اپنے گھر والوں کے بارے میں سوچتا رہتا ،زندگی کہ اس موڑ پر جب انسان صرف اور صرف اپنے بارے میں سوچتا ہے انہوں نے ہمارے بارے میں سوچا تب مجھے ایسا حساس ہوا کہ زندگی میں اس سے اچھا انسان مجھے نہیں مل سکتا ۔