اسلام آباد(مانیٹرنگ ڈیسک)کپتان سرفراز احمد کی سربراہی میں ٹی 20میں پاکستان نے ویسٹ انڈیز کے خلاف کامیابی کے جھنڈے گاڑ دئے ہیں جس کے بعد ویسٹ انڈیز کیخلاف ون ڈے سکواڈ کااعلان ہو گیاہے جس میں اظہر علی قومی ٹیم کی قیادت کریں گے ۔ اسد شفیق اورعمر اکمل کی ٹیم میں واپسی ہوئی ہے جبکہ دیگر نمایاں کھلاڑیوں میں سرفراز احمد، محمد رضوان، محمد نواز ، شرجیل خان ، بابر اعظم، شیعب ملک شامل ہیں ۔
واضح رہے کہ اس سے قبل کپتان اظہر علی کی کپتانی میں پاکستانی ٹیم کی کارکردگی انگلینڈ کیخلاف ہونے والی سیریز میںنہایت مایوس کن رہی مگر پاکستان کرکٹ بورڈ کی جانب سے سابق کرکٹرز اور صحافتی حلقوں کی طرف سے اظہر علی کو ہٹائے جانے اھور سرفراز احمد کو ٹیم کا کپتان بنائے جانے کے مطالبقت کو مسترد کرتے ہوئے اظہر علی پر ایک بار پھر اعتماد کرنے کافیصلہ کیا گیا ہے ۔ امید کی جا رہی ہے کہ یو اے ای کے گرائونڈز میں پاکستانی ٹیم اچھی کارکردگی دکھا کر ورلڈ کپ سے باہر ہونےکا خطرہ ٹال دے گی ۔

موضوعات:پاکستان بمقابلہ ویسٹ انڈیز