کراچی(مانیٹرنگ ڈیسک )کرکٹ میچز میں مین آف دی میچ بننے والے پاکستانی کرکٹرز مین آف دی ویمن بھی ہیں۔ شاہینوں کا گلیمر بیرون ملک عروج پرہوتا ہے۔ یہی وجہ ہے کئی کھلاڑیوں کی بیگمات غیرملکی ہیں۔ایشین ڈان بریڈ مین کے نام سے مشہور ظہیر عباس نے بھارتی خاتون ریٹا( ثمینہ عباس)سے شادی کی۔محسن حسن خان نے بھارتی فلم اسٹار رینا رائے سے شادی کی جو زیادہ عرصہ چل نہ سکی۔آل راؤنڈر شعیب ملک نے بھارتی ٹینس کوئین ثانیہ مرزا کو شریک حیات بنایا۔
سابق کپتان عمران خان نے برطانوی خاتون جمائما خان سے انیس سو پچانوے میں شادی کی۔ نو سال چلنے والی شادی کا اختتام دوہزار چارمیں ہوا۔ جمائما سے عمران خان کے دو بیٹے سلیمان خان اور قاسم خان ہیں۔وسیم اکرم کی اہلیہ بھی آسٹریلین ہیں۔ وسیم اکرم نیپہلی بیوی ہما کے انتقال کے بعد دوہزار تیرہ میں شنیرا تھامسن سے شادی کی۔فاسٹ بالر جنید خان کی بیگم خانصہ خان بھی برطانوی شہریت رکھتی ہیں۔اور اب محمد عامر بھی برطانوی خاتون نرجس ملک کو بیاہ کر لارہے ہیں۔

موضوعات:پاکستانی کرکٹرز