اسلام آباد(مانیٹرنگ ڈیسک) پاکستان کرکٹ بورڈ نے ویسٹ ایڈیز کے ساتھ ہونے والی سیریز کے لئے ٹیم کے اعلان، کپتان کو برقرار رکھنے کے فیصلہ کے ساتھ شاہد آفریدی اور سعید اجمل کے مستقبل کے حوالے سے بھی حتمی فیصلہ کر لیا ہے۔
تفصیلات کے مطابق پی سی بی کے اجلاس میں اس بات کا فیصلہ کیا گیا کہ26 ستمبر کو ہونے والے اجلاس میں سعید اجمل اور شاہد آفریدی کو فئیرویل میچ دینے کے حوالے سے گفتگو کی گئی جس میں فیصلہ کیا گیا کہ26 ستمبر کو اس بات کا فیصلہ کیا جائے گا کہ آیا شاہد آفریدی اور سعید اجمل کو باعزت رخصتی کے لئے فئیر ویل میچ دیا جائے یا وہ خود ہی ریٹائرمنٹ لے لیتے ہیں۔ ان تفصیلات کا اعلان پاکستان کرکٹ بورڈ سبحان احمد نے لاہور میں ویسٹ ایڈیز کے ساتھ ہونے والی سیریز کے لئے ناموں کا اعلان کرنے کے موقع پر میڈیا کو بتایا۔ سلمان بٹ کی سلیکشن کے حوالے سے ایک سوال کے جواب میں ان کا کہنا تھا کہ ان کو سلیلکٹ کرنے کے حوالے سے کسی قسم کی پابندی موجود نہیں ہے اگر وہ اچھی پرفارمنس دکھاتے ہیں تو سلیکٹرز انہیں منتخب کر سکتے ہیں۔
