دبئی( آن لائن) گرین شرٹس سے ٹکران سے قبل ہی کالی آندھی کو جھٹکا، آندرے رسل ڈوپنگ تنازع کے سبب تینوں میچز سے باہر ہو گئے، انھیں جمیکن کمیشن کے سامنے پیشی نے سیریز سے آؤٹ کردیا، ویسٹ انڈین ٹیم میں کیریبیئن پریمیئر لیگ کی دریافت کیسرک ولیمز کو شامل کرلیا گیا۔تفصیلات کے مطابق آندرے رسل پر الزام ہے کہ انھیں تین مرتبہ ڈوپنگ ٹیسٹ کیلئے طلب کیا گیا مگر وہ ایک بار بھی نمونے دینے نہیں گئے، قوانین کے تحت تین مرتبہ ٹیسٹ کیلئے غیرحاضری پر کھلاڑی کو معطل کردیا جاتا ہے، رسل کے معاملے کا جمیکن اینٹی ڈوپنگ کمیشن جائزہ لے رہا ہے جس کے سامنے ان کی 19 اور20 ستمبر کوپیشی ہے،اسی وجہ سے وہ پاکستان کے خلاف تین ٹونٹی 20 میچز کی سیریز سے مجبوراً دستبردار ہوگئے۔

موضوعات:پاکستان ویسٹ انڈیز سیریز