بورے والا( آن لائن )قومی کرکٹ ٹیم کے فاسٹ باؤلر محمد عرفان کے والد انتقال کرگئے ، فاسٹ باؤلر محمد عرفان نے سماجی رابطوں کی ویب سائٹ ٹوئیٹر پر اپنے والد کے انتقال کی تصدیق کرتے ہوئے اپنے مداحوں سے ان کی روح کے ایصال ثواب کیلئے فاتحہ خوانی کی اپیل کی ۔ محمد عرفان کا کہنا تھا کہ ان کے والد اس دار فانی سے کوچ کرگئے ہیں اور ایک دن ہم سب نے اللہ کے پاس واپس لوٹ کر جانا ہے محمد عرفان کے والد گزشتہ آٹھ روز سے علیل تھے اور لاہور کے ایک ہسپتال میں زیر علاج رکھا گیا تھا ان کی تدفین ان کے آبائی علاقے بورے والا میں کی جائے گی ۔ دریں اثناء محمد عرفان کے والد کے انتقال پر چیئرمین پی سی بی شہریار خان ، چیف ایگزیکٹو پی سی بی نجم سیٹھی سمیت کرکٹ کے دیگر اعلیٰ حکام اور قومی ٹیم کے ساتھی کرکٹرز نے نہایت دکھ اور رنج کا اظہار کرتے ہوئے محمد عرفان سے دلی ہمدردی کا اظہار کرتے ہوئے تعزیت کا اظہار کیا ہے