اسلام آباد(مانیٹرنگ ڈیسک) آسٹریلوی کپتان مائیکل کلارک نے پاکستانی امپائر علیم ڈار سے شدید بحث و تکرار کے بعدان پر ہاتھ اٹھانے کی دھمکی دے ڈالی۔

تفصیلات کےمطابق حالیہ ایشز سیریز کے تیسرے ٹیسٹ کے آخری روز سیریز میں تین ایک کی شکست کے خوف سے بے حال آسٹریلوی کپتان مائیکل کلارک بجائے اپنی اور اپنی ٹیم کی کارکردگی بڑھانے کے کھیل کےمیدان میں بدمعاشی پر اتر آئے اور علیم ڈار پر میچ ختم کرنے کے لئے دباؤ ڈالنے کی کوشش کی۔ علیم ڈار کے انکار پر خراب روشنی کا بہانہ کیا اس پر بھی بات نہ بنی تو علیم ڈار سے بحث و تکرار شروع کر دی اور بات یہاں تک آپہنچی کہ ایک دم ہاتھ سے اشارہ کر کے علیم ڈار کو تھپڑ مارنے کی دھمکی بھی دے ڈالی ۔ جس پر علیم ڈار نے سخت انداز میں انہیں ایک طرف کرتے ہوئے میچ جاری رکھنے کا فیصلہ برقرار رکھنے کا اعلان کر دیا۔علیم ڈار نے  واقعہ کی تفصیلات سے آئی سی سی  کو آگاہ کر دیا ہے جس کے بعد آسٹریلوی کپتان کے خلاف سخت کارروائی کئے جانے کا امکان ظاہر کیا جارہا ہے۔

موضوعات:علیم ڈار لڑائی