چندی گڑھ (این این آئی) بھارتی کرکٹر یوراج سنگھ نے رواں سال کے آخری ماہ کے پہلے ہفتے میں شادی کے بندھن میں بندھنے کا اعلان کر دیا ہے ،یوراج سنگھ کی منگنی گذشتہ سال 11نومبر کو بھارتی فلموں کی برطانوی نژاد اداکارہ ہیزل کیچ سے انڈونیشیا میں ہوئی تھی ۔انڈیا کے نجی چینل ’’ای ٹی وی ‘‘ کے مطابق مشہور بھارتی کرکٹر یوراج سنگھ نے رواں سال دسمبر کے پہلے ہفتے میں دولہا بننے کا اعلان کیا ٗیوراج سنگھ نے گذشتہ سال بالی ووڈ کی برطانوی نژاد اداکارہ ہیزل کیچ کو انڈونیشیا کے شہر بالی میں منگنی کی انگوٹھی پہنائی تھی ۔یوراج کی شادی کی تقریب فتح گڑھ صاحب میں ان کے گرو کے ڈیرے پر ہوگی اور اس کے بعد چندی گڑھ اور دہلی میں استقبالیہ دیا جائیگا ٗیاد رہے کہ یوراج کے چھوٹے بھائی کی شادی بھی اسی جگہ پر ہوئی تھی۔

موضوعات:شادی