اسلام آباد (مانیٹرنگ ڈیسک)رمیز راجا کہتے ہیں جب بولنگ اچھی پرفارمنس دکھاتی ہے تو پاکستان میچ جیتتا ہے۔ آج کی پرفارمنس کو بار بار دہرانے کی کوشش کرنی چاہیے۔سکندر بخت کہتے ہیں پاکستان نے بہت زبردست کم بیک کیا۔ٹیم کے لیئے یہ فتح بہت ضروری تھی۔
نئے لڑکوں کے رنز بنانے کی خوشی ہےپاکستان کی انگلینڈ کےخلاف واحد ٹی ٹوینٹی میں کامیابی پرسابق کپتان رمیز راجہ کاکہناتھاکہ انگلینڈ میں انگلینڈ کو اس طرح ہرانا بہت مشکل ہے،ٹیم کی پرفامرنس دیکھ کر لگتاہے کہ ون ڈے سیریز کی شکست سے بہت کچھ سیکھا۔رمیز راجہ نےکہاکہ آج پاکستان ٹیم نے انگلینڈ کو ہر میدان میں آؤٹ کلاس کردیا،نوجوان ٹیم کے ذہن سے ہار کا لفظ نکالنا ہوگا، اور ہا رکی صورت میں غلطیوں سے سیکھنا ہوگا۔کرکٹ ایکسپرٹ سکندر بخت نے جیت کوبہترین کم بیک قراردیا، اور کہاکہ نئے کپتان اور نوجوان کھلاڑیوں کےٹیم میں شمولیت سےکارکردگی پر فرق پڑتاہے۔انہوں نےکہاکہ ون ڈے کیلئے بھی نیا کپتان ڈھونڈنا ہوگا،ٹی ٹوینٹی کپتان سرفرازاحمد بھی ون ڈے کیلئےاچھا آپشن ہوسکتےہیں۔