اسلام آباد (مانیٹرنگ ڈیسک) پاکستانی کرکٹ ٹیم کے مایہ ناز اوپنگ بلے باز شرجیل خان جو ان دنوں انگلینڈ کے دورے پر ٹیم کےساتھ ہی موجود ہیں انہیں انگلش کائٹی ٹیم لیسٹر شائر کی جانب سے آئندہ سال کے لئے کھیلنے کی آفر کی گئی ہے۔ جس کے بعد شرجیل خان نے کاؤنٹی کے ساتھ معاہدہ کر لیا ہے ۔
تفصیلات کے مطابق لیسٹر شائر کے چیف ایگزیکٹیو آفیسر وسیم خان نے کہا ہے کہ شرجیل خان جارحانہ مزاج کے بلے باز ہیں جو ہمارے لئے ٹی ٹوینٹی میچوں مین دوسرے اوپنر کے پر آپشن ہوں گے اور ہم اس بات سے بخوبی واقف ہیں کہ دیگر کاؤنٹیز بھی شرجیل کی صلاحیتوں سے فائدہ اٹھانےکی خواہش مند تھیں لیکن ہم شرجیل کی خدمات اپنی کاؤنٹی کےلئے حاصل ہونے کے بعد بہت خوش ہیں۔ واضح رہےکہ لیسٹر شائر نے شرجیل خان سے قبل سابق آسٹریلوی کرکٹر کلنٹ میکے سے معاہد کیا تھا۔
دوسری جانب شرجیل خان کا کہنا ہے کہ کاؤنٹی کرکٹ کھیلنا ہمیشہ سے ہی میرا مقصد رہا ہے اور میں یہ موقع فراہم کرنے پر لیسٹر شائر کا بہت مشکور ہوں، پاکستان کے دیگر بیٹسمین بھی اس سے قبل لیسٹر شائر کی نمائندگی کرچکے ہیں جن میں شاہد آفریدی، عبدالرزاق اور عمر اکمل شامل ہیں اور وہ ان کے نقش قدم پر چلنے پر بہت خوش ہیں۔یاد رہے کہ شرجیل خان نے حال ہی میں آئرلینڈ کے خلاف کھیلے جانے والے ایک روزہ میچ میں 62 گیندوں پر سنچری بنانے کے ساتھ ساتھ انگلینڈ کے خلاف ٹرینٹ بریج میں کھیلے جانے والے ایک روزہ میچ 30 گیندوں پر 58 رنز کی اننگز کھیلی تھی۔