کارڈوف(نیوزڈیسک)عماد وسیم کی انگلینڈ کیخلاف کارکردگی حیرت انگیز رہی پاکستان کرکٹ ٹیم کے نوجوان آل راﺅنڈر عماد وسیم واحد ایسے کھلاڑی ہیں جن کو اب تک چاروںمیچوں میں انگلش باﺅلرز آﺅٹ کرنے میں ناکام رہے ہیں، عماد وسیم نے ساﺅتھمٹن میں 17رنز ناٹ آﺅٹ، لارڈز میں 63رنز ناٹ آﺅٹ ، لیڈز میں 57رنز ناٹ آﺅٹ بنائے جبکہ کارڈوف میں ہونیوالے آخری میچ میں عماد وسیم نے انیس گیندوں پر سولہ رنز بنائے اور اڑتالیسویں اوور کی دوسری گیند پر شاندار چوکا جڑ کر پاکستان کی فتح پر مہر ثبت کردی۔، انگلش باﺅلرز کے آگے کوئی پاکستانی بیٹسمینوں کی کارکردگی بہتر نہیں رہی جبکہ عماد وسیم انگلش باﺅلرز کے گلے کا کانٹا بنے رہے اور انگلش باﺅلرز عماد وسیم کو آﺅٹ کرنے کی حسرت ہی دل میں لئے رہے۔ تینوں میچوں میں حیرت انگیز طورپر عماد وسیم کی کارکردگی بہترین رہی اور انگلش باﺅلرز دیکھتے رہ گئے۔واضح رہے کہ ایک میچ میں عماد وسیم ٹیم کا حصہ نہیںتھے۔بیٹنگ کے علاوہ باﺅلنگ میں بھی عماد وسیم نے بہتر کارکردگی کا مظاہرہ کیا۔‎