لاہور(نیوزڈیسک)پی سی بی ذرائع نے انکشاف کیا ہے کہ ‘اظہرعلی کے متبادل کے طورپر صرف سرفراز احمد کو دیکھاجارہا ہے مگرسرفراز احمد سے بھی پی سی بھی مطمئن نہیں اس لئے ان کے علاوہ صرف ایک ہی اور ایسا کھلاڑی ہے جس کو کپتان بنانے کے لیے غور کیاجارہاہے ،بتایاگیا ہے کہ عماد وسیم کو کپتانی کے عہدے کے لئے موزوں ترین خیال کیاجارہا ہے مگر تجربے کی کمی کی وجہ سے اس معاملے کو التواءمیں ڈالتے ہوئے عارضی طورپر سرفراز احمد کو آزمایاجاسکتا ہے ،اظہرعلی کی قیادت میں ٹیم نے گزشتہ 14 ماہ کے دوران 24 ایک روزہ میچ کھیلے ہیں جن میں سے 15 میں ناکامی اور 8 میں فتح نصیب ہوئی اور ایک میچ بغیر نتیجے کے ختم ہوا۔واضح رہے کہ عماد وسیم کی انگلینڈ کیخلاف کارکردگی حیرت انگیز رہی پاکستان کرکٹ ٹیم کے نوجوان آل راﺅنڈر عماد وسیم واحد ایسے کھلاڑی ہیں جن کو اب تک تینوں میچوں میں انگلش باﺅلرز آﺅٹ کرنے میں ناکام رہے ہیں، عماد وسیم نے ساﺅتھمٹن میں 17رنز ناٹ آﺅٹ، لارڈز میں 63رنز ناٹ آﺅٹ جبکہ لیڈز میں 57رنز ناٹ آﺅٹ بنائے، انگلش باﺅلرز کے آگے کوئی پاکستانی بیٹسمین نہیںسنبھل پارہا جبکہ عماد وسیم انگلش باﺅلرز کے گلے کا کانٹا بن چکے ہیں تینوں میچوں میں حیرت انگیز طورپر عماد وسیم کی کارکردگی بہترین رہی اور انگلش باﺅلرز اب تک انہیں آﺅٹ کرنے کی حسرت دل میں لئے بیٹھے ہیں۔واضح رہے کہ ایک میچ میں عماد وسیم ٹیم کا حصہ نہیںتھے۔بیٹنگ کے علاوہ باﺅلنگ میں بھی عماد وسیم نے بہتر کارکردگی کا مظاہرہ کیا۔
update this
