لیڈز(مانیٹرنگ ڈیسک)محمد عرفان لیڈز ون ڈے کے دوران ان فٹ ہوگئے ، دراز قد فاسٹ باؤلر کوٹے کے دس اوور بھی مکمل نہ کرسکے ، انہیں محمد حفیظ کے زخمی ہونے پر ٹیم میں شامل کیا گیا تھا ۔ محمد عرفان کا پاکستان سے طویل سفر کرکے انگلینڈ جانا ٹیم کیلئے بے سود رہا ۔ لیڈز ون ڈے میں دراز قد فاسٹ بالر ہیم سٹرنگ انجری کا شکار ہوگئے ۔
محمد عرفان انگلینڈ کے خلاف دوسرے سپیل میں بہت بڑی وائیڈ بال کرنے کے بعد میدان سے باہر چلے گئے ۔ محمد عرفان میچ میں صرف پانچ ہی اوور ہی کروا سکے ۔ سلیکشن کمیٹی کا ڈومیسٹک کرکٹ میں صرف چار اوورز کرانے والے عرفان کو انگلینڈ بھجوانے کا فیصلہ بھی کرکٹ دیوانوں کو حیران کرگیا ۔ محمد عرفان 13رکنی قومی ٹی ٹونٹی سکواڈ کا بھی حصہ ہیں ۔