لارڈز (نیوز ڈیسک) پاک انگلینڈ ون ڈے میچ میں خراب کارکردگی پر کپتان کی تبدیلی پر غور شروع۔ تفصیلات کے مطابق پاکستان اور انگلینڈ کے درمیان لارڈز میں کھیلے جانے والے دوسرے ایک روزہ میچ میں انگلینڈ نے پاکستا ن کو چار وکٹوں سے شکست دیدی جس کے بعد پاکستان کرکٹ بورڈ نے کپتان اظہر علی کی جگہ سرفراز احمد کو کپتا ن بنانے پر غور کرنا شروع کر دیا ہے۔ حتمی فیصلے کے بعد سرفراز احمد ون ڈے اور ٹی ٹوئنٹی کیلئے کپتان ہوں گے۔ یہ توقع کی جارہی ہے کہ ویسٹ انڈیز کیخلاف سیریز میں پاکستانی ٹیم کی نمائندگی سرفراز احمد کریں گے۔ پاکستان کی ٹیم اس وقت ون ڈے کرکٹ کی عالمی درجہ بندی میں نویں نمبر پر ہے اور ابتدائی آٹھ ٹیمیں ہیں ورلڈ کپ کے لیے براہِ راست کوالیفائی کرتی ہیں۔پاکستان اور انگلینڈ کے مابین اب تک 77 ون ڈے میچ کھیلے جا چکے ہیں جن میں سے 46 انگلینڈ نے جبکہ 29 پاکستان نے جیتے ہیں جبکہ دو بے نتیجہ رہے۔