ایجیسٹن ( آن لائن ) قومی کرکٹ ٹیم کے سینئر بیٹسمین یونس خان کا کہنا ہے کہ انگلینڈ کیخلاف ٹیسٹ سیریز میں بیٹنگ سٹائل تبدیل نہیں کیا اور وہ اسی تکنیک سے کھیل رہے ہیں جس سے آ ج تک کیریئر میں کھیلا ہے۔ صحافیوں سے بات چیت کرتے ہوئے ان کا کہنا تھا کہ وہ میڈیا پر آنے والی خبریں دیکھ رہے ہیں کہ انکا بیٹنگ سٹائل بدل گیا ہے تاہم وہ اس بات سے متفق نہیں ہیں ،ان کے کھیلنے کا ایک انداز ہے اور وہ اس پر توجہ مرکوز کئے ہوئے ہیں لہٰذا بیٹنگ سٹائل میں تبدیلی کی باتیں غلط ہیں کیونکہ اس عمر میں ایسی غلطی کرنے کا سوچنا بھی غلط ہے۔ یونس خان کا مزید کہنا تھا کہ 2009ء میں لارڈزمیں ورلڈ ٹی ٹوئنٹی جیتا تھا جس کا الگ ہی مزا تھا واضح رہے یونس خان پاکستان کی جانب سے سب سے زیادہ ٹیسٹ رنز بنانے والے کھلاڑی ہیں ۔