لاہور( این این آئی )قومی ٹیم کے غیر ملکی کوچ کے نخرے، پی سی بی کی پھرتیاں،قومی ٹیم کے غیر ملکی کوچ مکی آرتھر کے مصروف شیڈول کے باعث رواں ماہ آمد بھی ملتوی ہوگئی اب جون کے پہلے ہفتے آمد متوقع ہے جسکے باعث قومی ٹیم کے فٹنس ٹیسٹ کے بعد بوٹ کیمپ تک بھی مکی آرتھر کھلاڑیوں کو جوائن نہیں کر سکیں گے ۔ قومی کوچ کو بوٹ کیمپ میں کرکٹرز کی کارکردگی کے بارے میں آگاہ کیا جا رہا ہے جبکہ اس سے پہلے نیشنل کرکٹ اکیڈمی لاہور میں ہونے والے فٹنس ٹیسٹ کی رپورٹ بھی مکی آرتھر کو پہنچا دی گئی ہیکاکول اکیڈمی میں قومی کرکٹر زکا بوٹ کیمپ جاری ہے جہاں ٹرینر گرانٹ لوڈن کرکٹرز کی کارکردگی کا جائزہ لے رہے ہیں ۔ جنوبی افریقن مکی آرتھر نے آسٹریلیا کی قومیت کی درخواست دے رکھی ہے اور جلد انہیں پاسپورٹ جاری کر دیا جائے گا لیکن رواں ماہ مصروف شیڈول کے باعث ان کا پاکستان آنا مشکل دکھائی دے رہا ہے ۔ ذرائع کے مطابق مکی آرتھر جون کے پہلے ہفتے پاکستان آئیں گے ۔ قومی کوچ کو بوٹ کیمپ میں کرکٹرز کی کارکردگی کے بارے میں آگاہ کیا جا رہا ہے جبکہ اس سے پہلے نیشنل کرکٹ اکیڈمی لاہور میں ہونے والے فٹنس ٹیسٹ کی رپورٹ بھی مکی آرتھر کو پہنچا دی گئی ہے۔