ایمسٹر ڈیم(آن لائن) بھارتی کرکٹ ٹیم کے مڈل آرڈر بلے باز سریش رائنا کے گھر بیٹی کی آمد ہوئی ہے۔ بھارتی میڈیا کے مطابق 29سالہ سریش رائنا کی اہلیہ پرینکا چوہدری نے ہالینڈ میں ان کی بیٹی کو جنم دیا ہے اور کرکٹر نے اس کا نام شریانشی رائنا رکھ دیا ہے۔ سریش رائنا نے اپنی بچپن کی دوست پرینکا سے گزشتہ سا ل اپریل میں شادی کی تھی۔ بیٹی کی پیدائش کے لیے سریش رائنا دو روز قبل ہالینڈ روانہ ہوئے تھے جس کی وجہ سے آئی پی ایل کی تاریخ میں وہ پہلی مرتبہ کسی میچ میں بھی شرکت سے محروم رہے تھے۔