ڈھاکا ( نیوز ڈیسک) بنگلہ دیش کے دارالحکومت ڈھاکا میں کرکٹ میچ کے دوران ایمپائر نے نوبال کے تنازع پر طعنہ مار نے پر نوجوان کرکٹر کی اسٹمپ مار مار کر جان لے لی ۔میڈیا رپورٹس کے مطابق سولہ سال کےبابل شک دار کو کرکٹ میچ کے دوران ایمپائر کی جانب سے نوبال دینے پر شک دار اور ایمپائر میں تلخ جملوں کا تبادلہ ہوا ۔ جس کے بعد ایمپائر نے شک دار کے سر کے پیچھے اسٹمپ دے مارا جس کے بعد شک دار گرائونڈ میں گر گیا شکدار کو اسپتال منتقل کیاجارہاتھا کہ وہ راستے میں ہی دم توڑ گیا ۔ پولیس کے مطابق شک دار وکٹ کیپر تھا ، اس کا کہنا تھا کہ ایمپائر نے اس سے پہلے والی گیند بھی نوبال قرار دی تھی ، اور گیند نوبال دی ہے جس پر کھلاڑی آوٹ تھا۔پولیس کو ایمپائر کی تلاش ہے ایمپائر کی تلاش میں پولیس چھاپے مار رہی ہے ، جنوبی ایشیا میں کرکٹ کو لوگ بہت دل سے کھیلتے ہیں اور اس کیلئے کسی بھی حد تک جانے سے گریز نہیں کرتے ۔