لاہور( آن لائن ) قومی کرکٹ ٹیم کے اوپننگ بلے باز شرجیل خان نے دھمکی آمیز فون کال موصول ہونے کا انکشاف ۔سماجی رابطے کی ویب سائٹ فیس بک پر پوسٹ کی گئی ویڈیو میں شرجیل خان کا کہنا ہے کہ انہیں نامعلوم افراد کی جانب سے کافی دنوں سے دھمکی آمیز کال موصول ہورہی ہے 2لاکھ روپے بھتہ مانگ رہے ہیں۔انہوں نے کہا کہ دھمکی دینے والے نامعلوم افراد میرا فیس بک اور ٹوئٹر اکاؤنٹ ہیک کرنے کی کوشش کر ہے ہیں، جبکہ دھمکی دینے والا شخص انہیں یہ کہہ کر بلیک میل کر رہا ہے کہ وہ ان کی جعلی ویڈیو اپ لوڈ کرے گا، اس لیے میرے مداح کسی بھی ایسی ویڈیو پر یقین نہ کریں۔ انہوں نے کہا ہے دھمکی آمیز ٹیلی فون کرنے والے میرا نام خراب کرنا چاہتے ہیں، عوام سے اپیل کی کہ ان سے متعلق سوشل میڈیا پر آنے والی کسی بھی ویڈیو کو مصدقہ نہ سمجھا جائے۔ دوسری جانب پی سی بی نے شرجیل خان کو دھمکی آمیز فون موصول ہونے کا نوٹس لیتے ہوئے اپنے اینٹی کرپشن یونٹ کو قومی کرکٹ ٹیم کے اوپنر سے رابطہ کرنے کی ہدایت کردی ہے۔ پی سی بی کا کہنا ہے کہ شرجیل کو پہلے پی سی بی سے رابطہ کرنا چاہیے تھا تاکہ دھمکیوں سے پہلے ہی معاملے کا تدارک کرلیتے تاہم اب بھی معاملے کی تحقیقات شروع کردی ہیں جلد معاملے کی تہہ طے پہنچ جائینگے ۔شرجیل خان نے 2013 میں انٹرنیشنل ڈیبیو کیا تھا اور وہ رواں سال ایشیا کپ اور ورلڈ ٹی ٹوئنٹی میں بھی پاکستانی اسکواڈ کا حصہ تھے۔ ۔#/s#