اسلام آباد (این این آئی)وفاقی وزیر بین الاصوبائی رابطہ ریاض پیر زادہ نے کہاہے کہ چیئرمین پی سی بی شہریار خان اور نجم سیٹھی کو تبدیل کرنے کا کوئی ارادہ نہیں ہے میڈیا رپورٹ کے مطابق ریاض پیر زادہ نے کہاکہ شہریار خان اور نجم سیٹھی کافی تبدیلیاں لائیں ہیں اب وہ پی ایس ایل کروا رہے ہیں ،دونوں ااچھی کارکردگی دکھا رہے ہیں اس لیے انہیں تبدیل کرنے کا کوئی ارادہ نہیں ہے ۔انہوں نے کہا کہ پی ایس ایل سے متعلق پی سی بی کے اکاؤنٹس کو حتمی شکل دیدی گئی ہے ،پی ایس ایل سے آمدن تقریباً 24لاکھ ڈالرز ہے ،حاصل ہونے والی کل آمدن رواں کے آخر تک فراہم کر دی جائے گی ۔