اسلام آباد(نیوز ڈیسک) اسلام آباد ہائی کورٹ نے پاکستان کرکٹ بورڈ(پی سی بی) کی ایگزیکٹو باڈی کے چیئرمین نجم سیٹھی کیخلاف درخواست خارج کردی،درخواست گزار احمد نواز نے نجم سیٹھی کے خلاف درخواست واپس لینے کی استدعا کی جس کو جسٹس شوکت عزیز صدیقی نے منظور کر لیا۔تفصیلات کے مطابق پیر کو اسلام آباد ہائی کورٹ کے جسٹس شوکت عزیز صدیقی نے نجم سیٹھی کے خلاف درخواست کی سماعت کی۔درخواست گزار احمد نواز نے نجم سیٹھی کے خلاف درخواست واپس لینے کی استدعا کی،جس پر عدالت نے استدعا منظور کرتے ہوئے درخواست واپس لئے جانے کی بنیاد پر خارج کر دی۔واضح رہے کہ اس سے قبل سابق ٹیسٹ کرکٹر سرفراز نواز نے بھی نجم سیٹھی کے خلاف درخواست واپس لے لی تھی۔