نئی دہلی (این این آئی ) بھارتی کرکٹ ٹیم کے کپتان مہندرا دھونی کے ساتھ تعلقات کے باعث بھارتی اداکارہ شہ سرخیوں میں آ گئی ۔بھارتی میڈیا رپورٹس کے مطابق جنوبی بھارت کی فلم انڈسٹری کی ہیروئن لکشمی رائے نے ایک ویب سائٹ کو انٹرویو میں انکشاف کیا ہے کہ ان کا انڈین ٹیم کے کپتان مہندر سنگھ دھونی کے ساتھ رشتہ تھا جسے کوئی نام نہیں دیا جا سکتا۔ یہ رشتہ میری زندگی میں داغ کی طرح ہے۔ اس رشتے کو گزرے کئی سال ہو گئے ہیں تاہم لوگ آج بھی اس کے بارے میں مجھ سے سوال پوچھتے ہیں۔ لکشمی نے بتایا کہ دھونی کے ساتھ میرا رشتہ زیادہ دن تک نہیں چلا، لیکن پھر بھی لوگ بار بار اس کے بارے میں بات کرتے ہیں۔ لکشمی کا کہنا ہے کہ دھونی کے بعد بھی وہ کئی لوگوں کے ساتھ تعلقات میں رہیں لیکن لوگ ان کے بارے میں کبھی بات نہیں کرتے۔ آخر دھونی کو لے کر کیوں بار بار بحث کی جاتی ہے۔ واضح رہے کہ مہندر سنگھ دھونی اور لکشمی رائے کی ملاقات 2008ء میں ہوئی تھی۔