لاہور( نیوزڈیسک)انٹر نیشنل کرکٹ کونسل کے صدر ظہیر عباس نے انضمام الحق کو چیف سلیکٹر بنانے کے فیصلے کی حمایت کرتے ہوئے کہا ہے کہ اگر انضمام الحق ذمہ داری سنبھالتے ہیں تو یہ پاکستان کرکٹ کیلئے اچھا ہوگا ،بطور آئی سی سی صدر کوئی دوسرا عہدہ بھی سنبھال سکتا ہوں اور اگر پی سی بی نے پیشکش کی تو قبول کر لوں گا۔ لاہور میں میڈیا سے گفتگو کرتے ہوئے آئی سی سی کے صدر ظہیر عباس نے کہا کہ بورڈ نے چیف سلیکٹر کے عہدے کے لئے جس نام کا چناؤ کیا ہے اس کی حمایت کرتا ہوں ۔ انضما م الحق کے ذمہ داری سنبھالنا پاکستان کرکٹ کے لئے سود مند ہوگا۔ انہوں نے مزید کہا کہ آئی سی سی کی جانب سے دو عہدے رکھنے پر کوئی روک ٹوک نہیں ۔ پی سی بی کے معاملات حل کرنے کے لیے وہ کوئی بھی ذمہ داری اٹھانے کے لیے تیار ہیں۔