لاہور (نیوزڈیسک) سابق آسٹریلین کرکٹر ٹام موڈی پاکستان کرکٹ ٹیم کی کوچنگ کیلئے مضبوط امیدوار بن گئے، پاکستان کرکٹ بورڈ حکام نے وسیم اکرم اور رمیز راجہ کو ٹام موڈی کے ساتھ مذاکرات کے لئے گرین سگنل دے دیا۔ذرائع کے مطابق سابق آسٹریلین کرکٹر ٹام موڈی پاکستانی ٹیم کی کوچنگ کے لئے مضبوط امیدوار بن گئے ہیں۔پی سی بی حکام نے ٹام موڈی کو پاکستانی ٹیم کی کوچنگ پر آمادگی کیلئے وسیم اکرم اور رمیز راجہ کو گرین سگنل دیا ہے۔وسیم اکرم ، رمیز راجہ اور ٹام موڈی تینوں ان دنوں آئی پی ایل کے لئے بھارت میں موجود ہیں۔پی سی بی ذرائع کے مطابق ٹام موڈی آئی پی ایل میں کوچنگ کا معاہدہ مکمل کرنے کے خواہشمند ہیں، ٹام موڈی 2005ء سے 2007ء تک تک سری لنکن ٹیم کے کوچنگ کرتے رہے ہیں اور سری لنکا کی کرکٹ ٹیم ورلڈ کپ 2007ء میں رنر اپ رہی ہے۔ذرائع کا یہ بھی کہنا ہے کہ متنازعہ اور ہائی پروفائل شخصیت ہونے کی وجہ سے بیشتر پی سی بی حکام نے ڈین جونز کی مخالفت کر دی ہے۔