کراچی (نیوز ڈیسک )قومی ٹونٹی ٹیم نئے کپتان سرفراز احمد کا کہنا ہے کہ قیادت ملنااعزاز کی بات ہے ، نئی ٹیم بنانے کی کوشش کریں گے۔
کراچی میں میڈیا سے گفتگو کرتے ہوئے سرفراز احمد کا کہنا تھا کہ انہوں نے اپنے ایک سالہ نائب کپتانی کے دورمیں بہت کچھ سیکھا ہے جسے وہ اب استعمال میں لاکر ٹیم کو ساتھ لیکر چلیں گے ،موجودہ ٹیم میں ایسا کوئی کھلاڑی نہیں ہے جسے ڈانٹ کر سمجھانا پڑے، سب کو اپنا رول اچھی طرح پتا ہے،کپتان اور لڑکوں میں اچھا تعلق ہونا چاہیئے تاکہ ایک دوسرے کو سمجھنے میں آسانی ہو جائے ،پاکستان سپر لیگ سے بھی بہت کچھ سیکھنے کا موقع ملا۔ہم کوشش کرینگے کہ پوری قوم کی امیدوں پر پورا اتریں ۔