اسلام آباد (نیوزڈیسک) پیپسی پی سی بی سٹار انڈر 16 ٹورنامنٹ کےلئے راولپنڈی ریجن کے ٹرائل جمعرات سے راولپنڈی کرکٹ سٹیڈیم میں شروع ہوں گے۔ ٹرائلز کےلئے پی سی بی نے تین رکنی کمیٹی تشکیل دی ہے جس میں فرخ زمان، شیراز خالد اور بلال احمد شامل ہیں۔ ٹرائلز میں شرکت کے خواہشمند کھلاڑیوں کو ہدایت کی گئی ہے کہ وہ سفید کٹ میں صبح 9 بجے گراﺅنڈ میں رپورٹ کریں۔ پی سی بی کے مطابق ستمبر 1999 کے بعد پیدا ہونے والے لڑکے ٹرائلز میں شرکت کے اہل ہوں گے اور ان کھلاڑیوں کو ہدایت کی گئی ہے کہ وہ فارم (ب)، سکول سرٹیفیکیٹ اور والد کے شناختی کارڈ کے ہمراہ گراﺅنڈ میں آئیں۔