لاہور ( نیوز ڈیسک) چیئرمین پاکستان کرکٹ بورڈ شہریار خان نے کہا ہے کہ وقار یونس کی رپورٹ لیک ہوئی ہے تو تحقیقات کرینگے، وقار یونس سے ٹیلی فون پر رابطہ ہوچکا ہے ، اہم میٹنگ میں مصروف ہونے کے باعث وقار یونس سے ملاقات نہیں کرسکا ۔ میڈیا سے گفتگوکرتے ہوئے انہوں نے کہا کہ وقار یونس کا پیغام ملا کہ ملاقات کرنا چاہتا ہوں اس وقت میری اہم میٹنگ چل رہی تھی اس کے بعد دوسری میٹنگ تھی مصروفیت کے باعث ملاقات نہیں کرسکا یہ بات بالکل غلط ہے کہ وقار یونس سے نہیں ملنا چاہتا تھا کہا کہ کل ہی مل لینگے وقار یونس سے ٹیلی فون پر بات ہوئی ہے وہ رپورٹ لیگ ہونے پر پریشان ہیں اور مجھ سے بات کرنا چاہتے تھے وقار یونس کا کہنا ہے کہ وہ میرا احترام کرتے ہیں انہوں نے کہا کہ وقار یونس کی رپورٹ لیک ہوئی تو اس کی تحقیقات کرینگے۔