ممبئی (نیوز ڈیسک) ٹی 20ورلڈ کپ میچ میں پاکستان کو بھارت سے شکست پر بھارتی شہری اپنی ہی ہم وطن ٹینس سٹار کے خلاف زہر اگلنے لگے ۔میڈیا رپورٹ کے مطابق کے مطابق پاکستان اور بھارت روایتی حریفوں کے درمیان میچ دیکھنے کےلئے 61ہزار سے زائد لوگ ایڈن گارڈن پہنچے تھے‘ لاکھوں بھارتی مداحوں نے اپنی خوشی کے اظہار کےلئے ٹوئیٹر کا سہارا لیاتاہم شعیب ملک کی اہلیہ بھارتی ٹینس سٹار ثانیہ مرزا تنقید کا نشانہ بن گئیں ،سینکڑوں بھارتی شہریوں نے پاک بھارت میچ کے بعد ثانیہ مرزا کو دنیا کی موسٹ کنفیوژڈ‘خاتون قرار دےدیاثانیہ مرزا بھارت کی سب سے مشہور ترین سپورٹس شخصیات میں سے ایک ہیں اور وہ پاکستانی کرکٹر شعیب ملک کی اہلیہ بھی ہیں اور یہی وجہ ہے کہ پاک بھارت میچ کے بعد وہ بھارتیوں کے طنز اور تنقید کا نشانہ بنیں۔پاکستان اور بھارت کے میچ کے دوران جس وقت قومی ٹیم بڑے کڑے دورسے گزر رہی تھی توشعیب ملک نے 16گیندوں پر شاندار 26رنز سکور کر کے گرین شرٹس کا ٹوٹل سکور 118رنز تک پہنچا دیا ۔تاہم جس دوران شعیب ملک بھارتی باﺅلروں کی پٹائی کر رہے تھے اس دوران ان کی اہلیہ ثانیہ مرزا سوشل میڈیا پر بھارتی شہریوں کے مضحکہ خیز رویے کا شکار بن رہی تھیں۔ثانیہ مرزا بھارتی سوشل میڈیا صارفین کے برے سلوک کا نشانہ بننے کے باوجود پاکستان اور بھارت کے میچ سے نہ صرف قبل بلکہ میچ کے دوران بھی اپنے آبائی وطن انڈیا کو ہی سپورٹ کر رہی تھیں ۔